Seniorinnenwanderung auf den Mont Vully

Bi prächtigem Wätter, hei mir e wunderbare Tag dörfe erläbe.

Am achti si mir z' Froubrunne losgfahre.

Z' Cherzers macht sich s' Poschi ohni üs "vo danne".

Über Neueburg si mir du z'Sugiez doch no ahcho.

Wo mir nach ere chline Sterkig dr Ufstieg hei unger d' Füess gno.

Mir hei gschwitzt, byschtet u viu glachet, si stouz gis, das mir de Hoger hei gschaffet.

Uf em Mont Vully hei mir trunke u gässe, u schnäu isch di Aschträngig vergässe.

Hei nach em Abschtieg, z' Praz im Gärtli o no e Chübeliglasse gschläcket.

D' Schifffahrt hei mir gnosse, si z' Murte no e Chueche go poschte.

Glücklech u z'fryde si mir am Obe ds Froubrunne usgschtyge.

No lang wird üs da Usflug i Erinnerig blybe.

Härzleche Dank de Organisatorinne.

Am Mändig düe mir de wider ir Haue umespringe.